বিষয়	সহজ ব্যাখ্যা
চিঠি	অনুভূতিৰ মাধ্যম
মূল ভাব	মৰম, স্মৃতি, বেদনা
শিক্ষা	অনুভূতিৰ মূল্য বুজা

 

AHSEC Class 11 Assamese Question Answer 2026

গোট ৩ কবিতা – এখন চিঠি (সম্পূৰ্ণ সমাধান)

আৰ্হি প্ৰশ্ন (অতি চমু প্ৰশ্ন – মূল্যাংক ১)

১। ‘এখন চিঠি’ কবিতাটো হেম বৰুৱাৰ কোনখন পুথিৰ পৰা লোৱা হৈছে?
উত্তৰঃ ‘এখন চিঠি’ কবিতাটো হেম বৰুৱাৰ ‘মন-ময়ূৰী’ নামৰ কবিতাপুথিৰ পৰা লোৱা হৈছে ৷

২। হেম বৰুৱাই সম্পাদনা কৰা অসমীয়া আলোচনীখনৰ নাম লিখা ৷
উত্তৰঃ হেম বৰুৱাই সম্পাদনা কৰা অসমীয়া আলোচনীখনৰ নাম ‘পছোৱা’ ৷

৩। চেলা গিৰিপথ ক’ত আছে?
উত্তৰঃ চেলা গিৰিপথ অৰুণাচল প্ৰদেশত চীন সীমান্তত অৱস্থিত ৷

৪। কবিয়ে কেনে মৃত্যু আত্মাৰ দৰে অবিনশ্বৰ বুলি কৈছে?
উত্তৰঃ যি মৃত্যুৱে আন দহজন মানুহক জীৱন দিয়ে, সেই মৃত্যুক কবিয়ে আত্মাৰ দৰে অবিনশ্বৰ বুলি কৈছে ৷

৫। ‘এখন চিঠি’ কবিতাটোত উল্লেখ কৰা সৈনিক জনৰ পত্নীৰ নাম কি?
উত্তৰঃ ‘এখন চিঠি’ কবিতাটোত উল্লেখ কৰা সৈনিক জনৰ পত্নীৰ নাম মমতা ৷

চমু প্ৰশ্ন (মূল্যাংক ২/৩)

১। ‘এখন চিঠি’ কবিতাত সৈনিকজন যুদ্ধলৈ যাবৰ সময়ত তেওঁৰ পত্নীয়ে কি কৰিছিল?
উত্তৰঃ ‘এখন চিঠি’ কবিতাত সৈনিকজন যুদ্ধলৈ যাবৰ সময়ত তেওঁৰ পত্নীৰ মানসিক অৱস্থা অতি বেদনাদায়ক আছিল ৷ তেওঁৰ চকু দুটা চকুলোৰে উপচি পৰিছিল আৰু দুখেৰে ভৰি আছিল ৷

২। ‘এখন চিঠি’ কবিতাত সৈনিকজনে যুদ্ধক্ষেত্ৰৰ কেনে বিৱৰণ আগবঢ়াইছে?
উত্তৰঃ ‘এখন চিঠি’ কবিতাটোত সৈনিকজনে এখন চিঠিৰ জৰিয়তে পত্নীক যুদ্ধক্ষেত্ৰৰ মৰ্মান্তিক বিৱৰণ আগবঢ়াইছে ৷ তেওঁ কৈছে যে হেজাৰ হেজাৰ ফুট ওখ পৰ্বতৰ মাজত থাকি তেওঁৰ সকলো কল্পনা যেন ছাঁই হৈ গৈছে ৷ সেই পৰ্বতবোৰ যেন সৈনিকসকলৰ মৰমৰ মৰিশালি, য’ত তেজৰ চেঁকুৰা জিলিকি থাকে ৷ তাত প্ৰতিধ্বনিত হয় অন্তৰৰ জুই শিখা ৷ এই পৰিৱেশটো এখন মহাকাব্যৰ দৰে, য’ত মৌন ভাষাৰে লিখা থাকে বহু সৈনিকৰ তেজৰ বুৰঞ্জী ৷ তাত শত্ৰুৰ কামানৰ গৰ্জন আৰু ধোঁৱাৰ দৃশ্য দেখা যায় ৷

৩। সৈনিকজনে মৃত্যুক কেনেদৰে গ্ৰহণ কৰিছে?
উত্তৰঃ সৈনিকজনে মৃত্যুক দেৱতাৰ আশীৰ্বাদ স্বৰূপ পাৰিজাত ফুলৰ লগত তুলনা কৰিছে ৷ তেওঁৰ মতে, এই মৃত্যু আত্মাৰ দৰে অবিনশ্বৰ ৷ যিদৰে আত্মাৰ মৃত্যু নাই, তেনেদৰে দেশৰ বাবে প্ৰাণ দিয়া সৈনিকো মৃত্যুৰ পিছতো অমৰ হৈ থাকে ৷

৪। নিজৰ সন্তান দুটাক কি কথাৰে বুজনি দিবলৈ সৈনিকজনে কৈছে?
উত্তৰঃ সৈনিকজনে চিঠিত পত্নীক অনুৰোধ কৰিছে যে, যদি শত্ৰুৰ কামানৰ আঘাতত তেওঁৰ মৃত্যু ঘটে, তেন্তে ঘৈণীয়েকে ল’ৰা দুটাৰ সম্পূৰ্ণ দায়িত্ব ল’ব ৷ তেওঁলোকে যাতে পিতৃৰ অভাৱ অনুভৱ নকৰে আৰু মনোকষ্ট নাপায়, তাৰ বাবে মমতাক সাৱধান থাকিবলৈ কৈছে ৷

৫। সৈনিকজনে চিঠিখন সেইদিনাই ডাকত দিব নোৱাৰাৰ কাৰণ কি?
উত্তৰঃ সৈনিকজনে চিঠিখন সেইদিনাই ডাকত দিব নোৱাৰাৰ কাৰণ হ’ল – হঠাৎ অহা জৰুৰী আদেশ অনুসৰি তেওঁক চেলা গিৰিপথলৈ যাব লাগিছিল, য’ত শত্ৰু সৈন্যক বাধা দিব লাগিব ৷

দীঘল প্ৰশ্ন (মূল্যাংক ৪/৫)

১। ‘এখন চিঠি’ কবিতাত পত্নীৰ প্ৰতি সৈনিকজনৰ কেনে মনোভাৱ প্ৰকাশ পাইছে?
উত্তৰঃ ‘এখন চিঠি’ কবিতাটোত এজন সৈনিকে তেওঁৰ পত্নীলৈ এখন চিঠি লিখিছে, য’ত তেওঁলোকৰ মৰম আৰু স্নেহৰ গভীৰ অনুভৱ প্ৰকাশ পাইছে ৷ পত্নীৰ পৰা বিদায় লৈ অহা সেই নিস্তব্ধ মুহূৰ্তবোৰ তেওঁ চিঠিৰ জৰিয়তে সোঁৱৰণ কৰিছে ৷ ওখ পৰ্বতমালাৰ মাজত থাকি তেওঁৰ সকলো কল্পনা যেন নিস্তব্ধ হৈ পৰিছে ৷ যিকোনো সময়তে যুদ্ধলৈ যাবলৈ তেওঁ সদায় সাজু, এই কথাও তেওঁ প্ৰকাশ কৰিছে ৷

২। সৈনিকৰ দেশ প্ৰেম ‘এখন চিঠি’ কবিতাটোত কেনেদৰে প্ৰকাশ পাইছে আলোচনা কৰা ৷
উত্তৰঃ ‘এখন চিঠি’ কবিতাটোত সৈনিকৰ জীৱন, যুদ্ধক্ষেত্ৰৰ পৰিস্থিতি আৰু দেশৰ বাবে উৎসৰ্গিত জীৱনৰ মহত্ত্ব সুন্দৰকৈ প্ৰকাশ পাইছে ৷ সৈনিকৰ মৃত্যু স্বৰ্গীয় পাৰিজাত ফুলৰ দৰে পবিত্ৰ বুলি কবিয়ে দেখুৱাইছে ৷ এই মৃত্যু দেৱতাৰ আশীৰ্বাদস্বৰূপ ৷ ভবিষ্যৎ প্ৰজন্মক এই আদৰ্শেৰে অনুপ্ৰাণিত কৰাৰ উদ্দেশ্যও কবিতাটোত দেখা যায় ৷

৩। ‘এখন চিঠি’ কবিতাত যুদ্ধক্ষেত্ৰৰ ভয়াৱহতা কেনেদৰে প্ৰকাশ পাইছে লিখা ৷
উত্তৰঃ ‘এখন চিঠি’ কবিতাটোত যুদ্ধক্ষেত্ৰৰ ভয়াৱহ পৰিস্থিতি স্পষ্টকৈ প্ৰকাশ পাইছে ৷ যিকোনো সময়তে যুদ্ধ আৰম্ভ হ’ব পাৰে আৰু শত্ৰুৰ আক্ৰমণ হ’ব পাৰে ৷ প্ৰতি মুহূৰ্ততে মৃত্যুৰ ভয় থকাৰ পিছতো সৈনিকসকল দেশৰ বাবে প্ৰাণ দিবলৈ সদায় প্ৰস্তুত ৷

৪। ‘তোমাৰ চকু উপচি বাৰিষাৰ বান নামিছিল’ কথাষাৰৰ মৰ্মাৰ্থ বুজাই লিখা৷
উত্তৰঃ ‘এখন চিঠি’ কবিতাটোত এই কথাষাৰে পত্নীৰ গভীৰ দুখ আৰু বেদনাৰ অনুভৱ প্ৰকাশ কৰিছে ৷ সৈনিকজন বিদায় লোৱাৰ সময়ত তেওঁৰ পত্নীৰ চকু চকুলোৰে ভৰি পৰিছিল ৷ সেই দৃশ্য দেখি সৈনিকজনো নীৰৱ আৰু স্থিৰ হৈ পৰিছিল ৷ এই কথাষাৰে সেই বেদনাময় মুহূৰ্তটো অত্যন্ত জীৱন্ত ৰূপত প্ৰকাশ কৰিছে ৷

Additional / PYQ

৫। প্ৰসংগ-সংগতি দৰ্শাই ব্যাখ্যা কৰা-

(ক) এইখন এখন মহাকাব্য, পৰ্বতৰ মৌন ভাষাই
লেখি যোৱা তেজৰ বুৰঞ্জী ৷

উত্তৰঃ উক্ত কবিতাফাঁকি আমাৰ অসমীয়া পাঠ্যপুথি ‘সাহিত্য সৌৰভ’ৰ অন্তৰ্গত হেম বৰুৱাৰ ৰচিত ‘এখন চিঠি’ কবিতাটোৰ পৰা তুলি লোৱা হৈছে ৷

এই কথাষাৰৰ জৰিয়তে কবিয়ে সৈনিক জীৱনক এখন মহাকাব্যৰ লগত তুলনা কৰিছে ৷ এজন সৈনিকৰ জীৱন সহজ নহয় ৷ তেওঁৰ অন্তৰত বহু অজস্ৰ বেদনা লুকাই থাকে, যিবোৰ সহজে প্ৰকাশ কৰিব নোৱাৰি ৷ মহাকাব্যত যিদৰে বহুজনৰ তেজেৰে ইতিহাস লিখা থাকে, তেনেদৰে সৈনিকৰ জীৱনো তেজেৰে লিখা বুৰঞ্জীৰ দৰে ৷ তেওঁলোকক সদায় যুদ্ধৰ বাবে সাজু থাকিব লাগে আৰু যিকোনো সময়তে মৃত্যুৰ সন্মুখীন হ’ব পাৰে ৷

(খ) মৃত্যুৱে যদি অভিনন্দন জনায়
সেই মৃত্যু পাৰিজাত ফুল
তাত দেৱতাৰ আশীৰ্বাদ আছে ৷

উত্তৰঃ উক্ত কবিতাফাঁকি আমাৰ অসমীয়া পাঠ্যপুথি ‘সাহিত্য সৌৰভ’ৰ অন্তৰ্গত হেম বৰুৱাৰ ৰচিত ‘এখন চিঠি’ কবিতাটোৰ পৰা তুলি লোৱা হৈছে ৷

এই কথাষাৰৰ জৰিয়তে কবিয়ে সৈনিকৰ মৃত্যুক এক পবিত্ৰ আৰু মহান ৰূপত দেখুৱাইছে ৷ সৈনিকসকলৰ জীৱন দেশৰ বাবে উৎসৰ্গিত ৷ যিকোনো সময়তে তেওঁলোকৰ মৃত্যু হ’ব পাৰে ৷ কিন্তু সেই মৃত্যু সাধাৰণ মৃত্যু নহয়, বৰং আত্মাৰ দৰে অবিনশ্বৰ ৷ সেইকাৰণে কবিয়ে তাক দেৱতাৰ আশীৰ্বাদ স্বৰূপ পাৰিজাত ফুলৰ লগত তুলনা কৰিছে ৷

 

শেষ কথা

“AHSEC Class 11 Assamese Chapter 16 Answer 2026 | গোট ৩ কবিতা – এখন চিঠি” এটা emotional আৰু সহজ কবিতা। আপুনি যদি এইটো অনুভৱ কৰি পঢ়ে, তেন্তে সহজে মনত ৰাখিব পাৰিব।

শেষ এটা advice: মুখস্থ নকৰিব, বুজি পঢ়ক। তেতিয়া answer নিজে নিজে আহিব।

আপুনি যদি first time preparation কৰি আছে, চিন্তা নকৰিব—slowly practice কৰক, result ভাল হ’ব